د بلخ پوهنتون د رئیس پیغام

photo

 

۱ میاشت ago

 

بسم الله الرحمن الرحیم

 

د علم او فرهنګ درنو مينه‌والو او ښاغلو ورونو!

بلخ پوهنتون د ۱۶ پوهنځيو، له ۴۰۰ څخه زیاتو استادانو او څه دپاسه ۱۸۰۰۰ محصلانو په درلودلو سره د افغانستان یو له لویو پوهنتونونو څخه شمېرل کېږي. دغه اکاډمیک بنسټ په ۱۳۶۶ لمریز کال کې تاسيس شوی دی، چې له پيله تر اوسه یې په زرګونو کادرونه روزلي، د ځوان نسل په روزلو کې يې ستر رول لوبولی او هېواد ته يې علمي کادرونه وړاندې کړي دي. په اخرو کلونو کې پر لېسانس پروګرامونو سربېره، په مختلفو علمي څانګو کې يې د ماسټرۍ پروګرامونه پيل کړي، چې د اقتصاد پوهنځي په محاسبه او مالي چارو کې او همدارنګه په دري ادبیاتو کې يې یادولی شو، چې په لسګونه ځوان متخصصین يې له یادو څانګو څخه ټولنې ته وړاندې کړي دي. د بلخ پوهنتون مشرتابه په پام کې لري، چې تر څو په نږدې راتلونکي کې د حقوقو او سیاسي علومو، کرنه(زراعت)، پښتو ادبیاتو او د اسلامي تاریخ په څانګو کې هم د ماسټرۍ پروګرامونه پيل کړي. دغه پروګرامونه څو اړخیز دي او داسې په پام کې نیول شوي، چې مينه‌والو ته يې له لېسانس پورته زده‌کړو لپاره زمینه برابره کړي، تر څو هغوی د خپلو مسلکي او تخصصي سویو په لوړولو سره د خپلې خوښې څانګو کې پرمختګ وکړي.

د بلخ پوهنتون مشرتابه ژمن دي، تر څو د زده‌کړیيزو سویو او د پوهې کیفیت لوړولو، د هېواد ځوانانو ته د يوې سالمې او سوله‌ييزې فضا رامنځته کولو، د اسلام مبارک دین بنسټونو او د لوړو زده‌کړو وزارت قانون پر اساس د علمي پروګرامونو په پرمختګ کې د سيمې اقتصادي وضیعت او سالم رقابت ته په کتو يو هر اړخیز نصاب برابر کړي. د یو ګټور او پر نوې ټکنالوجۍ سمبال تحصيلي نصاب ته پام کول د بلخ پوهنتون له لومړیتوبونو څخه دي. پر دې سربېره د زیربناوو تاسيس او پرمختګ هم په پام کې لري. ژمنه دا ده، چې نه یوازې د هېواد ځوانان په عصري علمي معیارونو برابر او ټولنې ته وړاندې کړي، بلکې غواړي چې ځوانان مو په علمي او اکاډمیکو موضوع‌ګانو پسې د اسلامي ارزښتونو، هېواد، اخلاقو او د هېواد تاریخ او فرهنګ برخو کې د لوړ احساس په درلودلو سره د غورو خدمتونو جوګه شي.

ومن الله توفیق

مفتی محمد شریف ابوعاصم عثمانی

تازه خبرونهنور دلته

سه‌شنبه ۱۴۰۲/۱۱/۳ - ۹:۵۰
Background image

دلوړو زده کړو سرپرست وزیر دبلخ پوهنتون له مسؤلینو سره لار ښوونيزه ناسته

د دوشنبه 1445 /10/7ه ق کال چي د1402 /2/11 ه ش سره سمون خوري دلوړو زده کړو سرپرست وزیر ښاغلي شيخ الحديث ندامحمد نديم د بلخ پوهنتون علمي معاونيت کنفرانسونو په تالار کې دياد پوهنتون له. . .

پنجشنبه ۱۴۰۲/۱۰/۲۸ - ۱۲:۳۸
Background image

د بلخ پوهنتون رئيس دژبو او ادبیاتو پوهنځي استاذانو سره دَ پېژندګلوۍ ناسته

 چهارشنبه د 1445 /5/7,ه ق د بلخ پوهنتون رئيس ښاغلي مفتي محمد شریف ابوعاصم عثماني چې د شرعياتو پوهنځي رئیس  ښاغلي مفتي شفيق الله مظهري يې ملتيا کوله دَ ژبو او ادبياتو پوهنځي له استادانو. . .

سه‌شنبه ۱۴۰۲/۱۰/۲۶ - ۱۱:۳۶
Background image

دطب پوهنځي څخه ليدنه.

د دوشنبې په ورځ د1445 /1/7,ه ق د بلخ پوهنتون رئيس ښاغلي مفتي محمد شریف ابوعاصم عثماني چې مالي او اداري مرستیال ښاغلي قاضي عبدالهادي فضلي، څېړنيزو چارو مرستیال پوهاند دکتور محمد طاهر. . .