په بلخ پوهنتون کې د سمسورتيا کميټې ناسته ترسره شوه!
نن سه شنبه د ۱۴۴۷ھ ق کال د صفر المظفر مياشتې په ۱۱مه د بلخ پوهنتون د سمسورتيا کمټې ناسته د اداري او مالي چارو مرستيال تر سرپرستۍ لاندې د قرآنکریم په مبارکو آياتونو سره پيل شوه.
په دغه ناسته کې د مالي او اداري چارو مرستیال سربیره د زراعت پوهنځي رئيس، د تهيه، خدمتونو او تدارکاتو چارو آمر او یو شمېر نورو غړو شتون درلود، د بلخ پوهنتون لپاره د شنه چاپیریال برابرولو په اړه نظریات سره تبادله کړل؛ تر څو وکولای شي چې په نږدې راتلونکي کې آرامه فضا او زرغون چاپیریال تنظيم کړي.
بايد وويل شي، چې د بلخ پوهنتون سمسورتیا او زرغونتيا په برخه کې د مالي او اداري چارو مرستيال ښاغلي مولوي بخت محمد «مومن یار» هڅې د ستایلو دي، چې په دوامداره توګه زيار کاږي؛ ترڅو د بلخ پوهنتون بڼه بدله او د محصلانو لپاره د مطالعې زرغونه او ګلورینه فضا برابره کړي.
ښاغلي مرستيال دغه راز د پوهنتون د لا ښې زرغونتيا او پاکې فضا برابرولو په موخه د بلخ ولايت ځينو شخصي او دولتي شرکتونو سره هم خبرې کړي دي، تر څو د بلخ پوهنتون په سمسورتیا او زرغونتيا کې ور سره ونډه واخلي.
بلخ پوهنتون د اړيکو او عامه پوهاوي آمريت.
