د بلخ پوهنتون د رئیس پیغام

photo

 

2 میاشتې 2 اونی ago

 

بسم الله الرحمن الرحیم

 

د علم او فرهنګ درنو مينه‌والو او ښاغلو ورونو!

بلخ پوهنتون د ۱۶ پوهنځيو، له ۴۰۰ څخه زیاتو استادانو او څه دپاسه ۱۸۰۰۰ محصلانو په درلودلو سره د افغانستان یو له لویو پوهنتونونو څخه شمېرل کېږي. دغه اکاډمیک بنسټ په ۱۳۶۶ لمریز کال کې تاسيس شوی دی، چې له پيله تر اوسه یې په زرګونو کادرونه روزلي، د ځوان نسل په روزلو کې يې ستر رول لوبولی او هېواد ته يې علمي کادرونه وړاندې کړي دي. په اخرو کلونو کې پر لېسانس پروګرامونو سربېره، په مختلفو علمي څانګو کې يې د ماسټرۍ پروګرامونه پيل کړي، چې د اقتصاد پوهنځي په محاسبه او مالي چارو کې او همدارنګه په دري ادبیاتو کې يې یادولی شو، چې په لسګونه ځوان متخصصین يې له یادو څانګو څخه ټولنې ته وړاندې کړي دي. د بلخ پوهنتون مشرتابه په پام کې لري، چې تر څو په نږدې راتلونکي کې د حقوقو او سیاسي علومو، کرنه(زراعت)، پښتو ادبیاتو او د اسلامي تاریخ په څانګو کې هم د ماسټرۍ پروګرامونه پيل کړي. دغه پروګرامونه څو اړخیز دي او داسې په پام کې نیول شوي، چې مينه‌والو ته يې له لېسانس پورته زده‌کړو لپاره زمینه برابره کړي، تر څو هغوی د خپلو مسلکي او تخصصي سویو په لوړولو سره د خپلې خوښې څانګو کې پرمختګ وکړي.

د بلخ پوهنتون مشرتابه ژمن دي، تر څو د زده‌کړیيزو سویو او د پوهې کیفیت لوړولو، د هېواد ځوانانو ته د يوې سالمې او سوله‌ييزې فضا رامنځته کولو، د اسلام مبارک دین بنسټونو او د لوړو زده‌کړو وزارت قانون پر اساس د علمي پروګرامونو په پرمختګ کې د سيمې اقتصادي وضیعت او سالم رقابت ته په کتو يو هر اړخیز نصاب برابر کړي. د یو ګټور او پر نوې ټکنالوجۍ سمبال تحصيلي نصاب ته پام کول د بلخ پوهنتون له لومړیتوبونو څخه دي. پر دې سربېره د زیربناوو تاسيس او پرمختګ هم په پام کې لري. ژمنه دا ده، چې نه یوازې د هېواد ځوانان په عصري علمي معیارونو برابر او ټولنې ته وړاندې کړي، بلکې غواړي چې ځوانان مو په علمي او اکاډمیکو موضوع‌ګانو پسې د اسلامي ارزښتونو، هېواد، اخلاقو او د هېواد تاریخ او فرهنګ برخو کې د لوړ احساس په درلودلو سره د غورو خدمتونو جوګه شي.

ومن الله توفیق

مفتی محمد شریف ابوعاصم عثمانی

تازه خبرونهنور دلته

پنجشنبه ۱۴۰۳/۱/۹ - ۱۱:۶
Background image

دپېژند ګلوۍ ناسته

سه شنبه د1445 /23/4 ه ق د ترانسپورت مدیر.او دډېپو مدیر  پېژندګلوۍ په مناسبت ناسته د قرآنکریم په مبارکو آياتونو سره پيل شوه.

لومړى دبلخ پوهنتون د تدارکاتو آمر مولوي سید فرید سادات. . .

شنبه ۱۴۰۳/۱/۴ - ۸:۵۲
Background image

محترم مفتی محمد شریف عثمانی او ورسره ملګری د رهنورد پوهنتون څخه ليدنه ترسره کړه.

پنجشنبه د ۱۴۴۵/۹/۱۱ ه ق چې د ۱۴۰۲/۱/۲ ه ش سره سمون خوري د بلخ پوهنتون رئیس مفتي محمد شريف عثمانی چې ښاغلي پوهاند محمد صالح محمد راسخ،  مالي او اداری چارو مرستيال قاضی عبدالهادي فضلي، د. . .

دوشنبه ۱۴۰۲/۱۲/۲۱ - ۱۱:۳۹
Background image

د نګرانانو څخه دآزموينې بهير.

شنبه مورخ۱۴۴۵/۸/۲۷ ه ق دشمال زون د عالميې دوري له ممتحينينو څخه چې دجمعې په ورځ يې د فاضلينو د آزموينې نګراني کوله آزموينه واخستل شوه.

ياده آزموينه کې دلوړو زده کړو وزارت علمي معين. . .