بلخ پوهنتون کې دجینواکال مؤسسې درې ورځنی سيمينار
بلخ پوهنتون کې دجینواکال مؤسسې له لورې د بين المللي بشردوستانه حقوقو په اړه درې ورځنی سيمينار پيل شو.
ياد سيمينار د علمي معاونیت د غونډو په تالار کې دقران کریم په مبارکو اياتونو سره پیل شو.
لومړی دجينواکال موسسې د اړيکو عمومي مسئول ګډونوالو ته دښه راغلاست تر څنګ دبلخ پوهنتون له رهبرۍ څخه قدرداني وکړه چې د ياد سيمينار په ترتيب او تنظیم کې يې ددوی لاسنيوی وکړ.
ورپسې ديادې مؤسسې مسؤل حکمت الله زدران د مؤسسې تاريخچې ته لنډه کتنه وکړه او په موجوده فعاليتونو يې رڼا واچوله.
وروسته بېا دبلخ پوهنتون رئيس مفتي محمد شریف عثماني
ديادې مؤسسې له استازو څخه مننه وکړه چې د دې زوریدلي
ولس او په ځانګړي ډول د پوهنتون استادانو په ظرفيت لوړونه کې خپلې هلې ځلې جاري ساتي.
په یاد سيمينار کې دشمال زون پنځه ولايتونو: بلخ ،جوزجان سمنګان، سرپل، او فارياب پوهنتونونو څخه استادانو ګډون کړی وو ياد سيمينار به درې ورځې دوام وکړي.
بلخ پوهنتون د اړيکو او عامه پوهاوي آمريت.
