په بلخ پوهنتون کې د لاتک (LaTeX) پنځه ورځنی سمینار پیل شو!

د بلخ پوهنتون مسلکي پراختیا آمریت له لوري د لاتک (LaTeX) په اړه پنځه ورځنی ورکشاپ پیل شو.

دغه ورکشاپ د بلخ پوهنتون استادانو د علمي او مسلکي وړتیاوو د لوړولو، د علمي لیکنو او څېړنیزو اثارو د معیاري تنظیم او په علمي لیکنو کې د لاتک پروګرام د کارونې پراختیا په موخه جوړ شوی دی.

د ورکشاپ وړاندې کوونکی د بلخ پوهنتون ساینس پوهنځي رئیس، پوهنمل غلام سرور «مبارز» دی، چې د موضوع اړوند یې ګډونوالو ته د لاتک پروګرام د پېژندنې، کارونې او په علمي لیکنو کې د هغه د عملي استفادې په اړه اړین معلومات وړاندې کړل.

په دغه پنځه ورځني ورکشاپ کې د بلخ پوهنتون شپاړس‌ګونو پوهنځیو څخه په استازیتوب یو ـ یو استاد ګډون کوي، چې د سمینار له بشپړېدو وروسته به وکولای شي په خپلو اړوندو علمي او څېړنیزو چارو کې له لاتک څخه په اغېزمنه توګه استفاده وکړي.

نېټه: شنبه

۱۴۴۸/۴/۲۰ھ ق

۱۴۰۵/۷/۱۱ھ ش

د نشراتو او عامه اړيکو آمريت