بلخ پوهنتون مالي او اداري مرستیال ښاغلي قاضي عبدالهادي فضلي په خپل کاري دفتر کې د لوړو زده کړو وزارت څخه راغلي پلاوي چې مشري يې دَ تکنالوژۍ او معلوماتو رئیس احمد ضیاﺀجبارخيل کوله ليدنه وکړه

ياده ليدنه چې نن پنجشنبه د1402 /16/9 ه ش د مالي او اداري مرستیال په کاري دفتر کې چې علمي مرستيال حيات الله حقجو آمرينو او مديرانو شتون درلود لومړى اداري مرستیال ښاغلي قاضي عبدالهادي فضلي راغلي پلاوي ته ښه راغلاست او هرکلي ووايه او ټکنالوژۍ په اړه يې بنيادي خبرې وکړې او په پوهنتون کې يې دلاسته راوړنو او ستونزو يادونه وکړه.

ورپسې د معلوماتو او تکنالوژۍ رئیس احمدضيا جبارخيل بلخ پوهنتون ته دراتګ موخه ګډونوالو ته واوروله او غوښتنه يې وکړه چې له اداري دفاترو څخه به ليدنه کوو تر څو دَ ټکنالوژۍ په برخه کې ستونزې نوټ او دحل په موخه يې اړين تدابیر ونیول شي.

 ورپسې يې شرعياتو،حقوقو، او ادبياتو پوهنځيو څخه ليدنه وکړه.

په ياده ليدنه کې هرې شعبې دَ معلوماتو او ټکنالوژۍ اړوند خپلې ستونزې او وړاندیزونه ياد پلاوي ته وړاندې کړل چې دښاغلي جبارخېل له خوا ورته اړينې لارښوونې او سپارښتنې وکړې چې د ټکنالوژۍ په برخه کې مؤثرې واقع شي.

کتابتون او ټکنالوژي باید بېل شي، ډيجيټل کتابتون او دهغې لپاره وسايل باید ولرو، انترنت باید صحيح کنترول او مديريت شي، ميک اډرس بايد فعال شي، کمپاس چې چي د مرکز سره وصل نه وي باید وصل شي...او داسې نور.

 بلخ پوهنتون اړيکو او عامه پوهاوي آمريت.