د جېنواکال موسېسې رئيس سيد مامون ګهريک د بلخ پوهنتون رئيس مفتي محمد شريف عثماني سره په خپل کاري دفتر کې ناسته ترسره کړه
د غبرګولي په ۱۳مه د جېنواکال موسېسې رئيس سيد مامون ګهريک د بلخ پوهنتون رئيس مفتي محمد شريف عثماني سره په خپل کاري دفتر کې ناسته ترسره کړه، په دغه ناسته کې د ذکر شوې موسېسې رئيس په خپل درې ورځني سيمنار رڼا واچوله او ويې ويل: «چې مونږ د شمال زون پينځو ولايتونو پوهنتونونو څخه د استادانو لپاره په بلخ پوهنتون کې د دغه سمينار لړۍ تطبيقوو، چې د هر پوهنتون څخه به پکې پينځه تنه استادان شامل وي او د دوی هر ډول لګښت به د سمينار تر پای پورې زمونږ پر غاړه وي» دغه سمينار به په بلخ پوهنتون کې د راتلوونکې دوشنبې په ورځ پيل او د درې ورځو په دوام به د چهارشنبې په ورځ پای ته ورسېږي.
بايد وويل شي، چې ياده موسېسه د دغه سمينار لړۍ د لوړو زده کړو وزارت په همغږۍ پر مخ وړي، چې رسميات به يې د سهار په اتو بجو پيل او د مازديګر په څلورو بجو پای ته رسيږي.
بلخ پوهنتون داړيکو او عامه پوهاوي آمريت.
