مياشتنۍ اداري ناسته ترسره شوه.
دوشنبه د ۱۴۴۷/٩/۶ ه ق د مالي او اداري چارو مرستيال په مشرۍ کې، اداري ناسته د قرآن کریم په مبارکو آياتونو سره پيل شوه.
لومړي د مالي او اداري چارو مرستيال ښاغلي الحاج مولوي بخت محمد مومن یار د ښه راغلاست ترڅنګ له اړوندو آمرینو څخه د تېر کال کړنو له امله خوښي څرګنده کړه او راتلونکي کال مهال ویشونو ترتيب د کارونو پرمختګ او نورې اړینې لارښوونې وکړې.
همداراز ښاغلي مومن يار په خپلو لارښوونيزو خبرو کې آمرينو ته سپارښتنه وکړه چې خپلو مسؤلیتونو ته ځیر شئ. دنده خپل ديني وجيبه وګڼئ او په پوره ريښتينولۍ يې ترسره کړئ خپل منځي همغږي پياوړي کړئ
وروسته بیا د معاونيت اړوند آمرینو هر یو خپل آمريت اړوند د ځينو ستونزو يادونه وکړه او د حل غوښتونکي شول چې د معاونيت له لوري دحل ډاډ ورکړل شو.
ناسته په دعا کولو سره پای ته ورسېده.
بلخ پوهنتون داړيکو او عامه پوهاوي آمريت
