د څېړنيزو چارو مرستیال، اداره او عامه پاليسۍپوهنځي رئیس پېژند غونډه ترسره شوه
نن چهارشنبه د1445/ 16/5ه ق د بلخ پوهنتون د څېړنو معاونيت، اداره او عامه پاليسي پوهنځي ریاست لپاره د نوي کسانو پېژندګلوۍ په مناسبت ناسته د دعوت او ارشاد آمر مفتي نصرالله هوتک له خوا دقرآنکریم په مبارکو آياتونو سره پيل شوه.
لومړى دبلخ پوهنتون رئيس ښاغلي مولوي صاحب ضياﺀالحق ضياﺀکريمي په پيليزو خبرو کې دَ مسئوليت په اړه څرګندونې وکړې او دَ چارو لاسمون لپاره يې ادلون او بدلون يو اصل وباله تر څو چارې په پوره ځيرکتيا سره پر مخ ولاړې شي او ورپسې يې دَ څېړنو معاونيت لپاره ښاغلى پوهاند دکتور محمد طاهر (طاهر)، اداره او عامه پاليسۍ رياست لپاره یې حاجي قاري امير ګل احمدي ګډونوالو ته ور وپيژندل. او هغوى ته يې دمبارکۍ تر څنګ يې له هغوى څخه په چارو کې دَ اخلاص غوښتنه وکړه.
او دَ پخواني سرپرست رئیس پوهنوال عبدالبصیر عارفي هڅې وستايلې چې دَ ياد پوهنځي رئیس په نه شتون کې يې دَ مسئولیت چارې په پوره اخلاص سره سرته رسولې نو له همدې امله يې هغه ته ستاينليک ډالۍ کړ. او دَ نوو ګمارل شوو کسانو لپاره يې په چارو کې ده بريا او پر مختګ دعا وکړه ترڅو دا دروند مسئولیت په ښه توګه ترسره کړي.
ښاغلي عارفي هم دَ خپلو لاسته راوړنو يادونه وکړه او دَ نوي رئیس سره خپل تر وسې دَ مرستې ژمنه وکړه.
په پاى کې دَ څېړنيزو چارو مرستیال، او د عامه پاليسۍ پوهنځي نوي رئیس دلوړو زده کړو وزارت له خوا په دوى داعتماد له امله مننه وکړه او ژمنه يې وکړه چې په پوره امانتدارۍ سره به ور سپارل شوې دنده سر ته رسوي.
ناسته په دعا کولو سره پاى ته ورسيده.
دبلخ پوهنتون د اړيکو او عامه پوهاوي آمريت.
